KALIBO, Aklan—Nagnaba eon ro numero it kaso it Coronavirus Disease 2019 ukon COVID-19 sa probinsiya it Aklan.
Raya ro naging obserbasyon ni Aklan Governor Florencio Miraflores.
Suno kana nga mabahoe nga bulig ro mga tikang nga ginhimo it Lokal Inter-Agency Task Force eabi eon sa contact tracing kamana man ro pag angkon it kaugalingon nga molecular laboratory.
Ko katung-anan sigon it setyembre hay nagtaas ro kaso ag nakaangkon pa it local transmission , apang sa mayad nga swerte hay baeabagan raya sa mas madali nga tiempo.
Ginpahayag pa ni Governor Miraflores nga gingastusan it Provincial Government ro swab test ag ligtas covid center it mga naga uli nga Locally Stranded Individuals ukon LSIs agud nga malikawan ro pagkalhit it makamaeatay nga virus.
Ginpabugae pa nana nga nakalista eon it zero covid patient sa Provincial Hospital.
