Gina-eauman nga magadoble pa ro numero it kaso it COVID-19 sa Zhejiang China nga kung siin raya hay nakakalista it kaso nga kapin sa 1-milyon kada adlaw.
Sa pihak it rekord nga pagtaas it mga kaso sa bilog nga nasyon, ginpahayag it China nga owa it mga namatay bangudsa COVID-19 sueod it limang adlaw.
Nagapanawagan ro mga pumueuyo ag eksperto para sa mas sigurado nga datos samtang naga-inabo ro mga impeksyon matapos maghimo ro Beijing it maeapnagon nga pagbag-o sa polisiya nga zero-COVID nga nagbutang sa ginatos milyong pumueoyo sa idaeom it owa it katapusan nga pag-lockdown ag masamad ro pangaywa sa pinakamabahoe nga ekonomiya sa kalibutan.
Ro Zhejiang hay kaeakip sa pilang mga lugar nga dapat tantyahon bangud sa nag-eontad nga spike sa mga impeksyon kaibahan ro mga asymptomatic nga kaso.
