Nakarekord ro taeatapan it Pronvincial Health Office it 152 kaso it dengue sa probinsya it Aklan, raya nga datos hay halin Enero 1 hasta Pebrero 15 makaron nga dag-on.
Suno kay Ma. Elma Macahilas, Disease Surveillance Officer it PHO Aklan, ro may pinakamataas nga narekord nga kaso hay ro banwa it Ibajay nga may 44 nga kaso, ginsundan it Nabas nga may 20 recorded cases, ag ro banwa it Kalibo hay may 17 nga narekord nga kaso.
Masami nga naaapektuhan ro mga inunga nga una sa edad nga 1-10 anyos nga nakarekord it 51 nga kaso, ro mga 11-20 anyos mata hay may 42 ro nareport nga kaso, sa mga 21-30 anyos hay 18, sa 31-40 hay 18 man, ah sa mga seniors hay may 9 recorded cases.
Dugang pa nana nga anda gid ginapadumduman ro mga Disease Reporting Units (DRUs) nga i-activate sa gihapon ro andang mga dengue fast lanes eabi eon sa makaron nga panyempo maskin mahambae nga naga amat-amat eon it naba ro kaso iya sa probinsya pero nagapaidaeom gihapon kita sa outbreak.
Permi man nga ginapadumdom it PHO sa mga pumueuyo nga i-practice gid ro 5S kontra dengue kun sa siin nagapanguna ro “Search and Destroy”, permi nga magpanglimpyo sa panimaeay ag usuyon ro mga posibleng pangitlugan it namok para mapunggan eagi ro pag-abo. Kun nakakabatyag man it mga sintomas it dengue, eagi nga magpakonsulta sa doktor para maagapan eagi.
