Kaso it dengue sa nasyon, nagtaas it 69% halin Enero 1 hasta 28 suno sa DOH

Nagtaas it 69 percent ro kaso it dengue sa nasyon halin Enero 1 hasta 28, 2023.

Sa latest Disease Surveillance Report, ginpaathag it Department of Health ro 7,804 nga kaso nga mas mataas kaysa sa 4,610 nga kaso nga nailista sa parehong tyempo ko nagtaliwan nga dag-on.

Pinakamaabu nga kasong naireport sa Central Luzon (1,032), National Capital Region (1,081), Zamboanga Peninsula (834), Northern Mindanao (821) ag Calabarzon (639).

Samtang, mas manaba ro mga report nga namatay sa dengue ko Enero nga may 22 kumpara ko nagtaliwan nga dag-on nga nag-abot sa 38.