-- ADVERTISEMENT --
Padyaun nga gina-monitor it Department of Health (DOH) ro clustering it mga kaso it dengue sa 77 nga barangay sa Western Visayas.
Suno sa DOH, kapin sa 45 sa mga barangay ngara hay makit-an sa Negros Occidental samtang may mga nailista man nga kaso it dengue sa pilang barangay sa probinsya it Aklan, Antique, Capiz ag Iloilo City.
Nailista man ro pinakamaabu nga kaso sa Negros Occidental nga humampak sa 657 kung siin lima ro namatay ag ginsundan it Antique nga may 400 cases ag Bacolod nga may 139 cases.
Samtang, ginklaro it DOH nga maskin nagataas ro dengue cases sa Western Visayas hay owa pa man kara naabot ro ‘alert level threshold’.
