KALIBO, Aklan — Padayun sa gihapon nga nagataas ro numero it mga kaso it HIV-AIDS sa probinsiya it Aklan.
Sa pinaka-ulihing datos it Provincial Health Office umpisa Enero hasta Marso 2019, nakalista it 11 nga bag-ong kaso it HIV-AIDS.
Umpisa Enero 1984 hasta sa makaron, may una eon nga nailistang 215 nga kaso it nasambit nga sakit sa probinsiya.
Sa masobra sa 200 nga kaso, kaabuan kara hay nabo-oe ro sakit bangud sa sexual contact.
Haeos 83 porsiyento kara hay eaeaki sa eaeaki ag 16 porsiyento ro heterosexual ukon eaeaki sa babaye .
Ginpaathag it PHO nga makabig nga risk factor it HIV ro pakikipaghieawas eabi eon kon maabu nga sexual partner ro sangka tawo.
Ro mga banwa nga may pinakamaabung kaso hay ro kabisera it Kalibo nga may 65 ag Malay nga nagasakop sa isla it Boracay nga may 41 nga kaso.
Bangud kara, padayun ro pag-engganyo it PHO nga magpa-test eon ro mga may tsansang makaangkon kara nga kon sa siin raya sigon hay libre.
Mag-eowas sa HIV-AIDS, padayun man ro paglobo it Sexually Transmitted Disease (STD) ag Teenage Pregnancy sa Aklan.
