KALIBO,Aklan–Ginpahayag ni Donna Rico, health program officer for vaccine preventible disease it Provincial Health Office nga uwa pa it nailista nga kaso it Japanese Encephalitis sa bilog nga probinsya it Aklan apang may tatlong blood sample sanda nga ginpadaea sa sangka laboratoryo sa syudad it Iloilo.
Suno kana, hasta sa makaron hay ginahueat pa nanda ro resulta kara apang uwa pa it tinamaan it nasambit nga virus iya sa Aklan.
Ro nasambit nga sakit hay sangka flavivirus nga angot man sa dengue, yellow fever ag West Nile viruses nga daea it sangka eamok.
Maskin nga tumaeagsahon eamang ro symptomatic it Japanese encephalitis, ro case-fatality rate kara hay nagaabot sa 30%.
Nasayuran nga sa probinsya it Iloilo hay nakarekod it 14 nga kaso kon sa siin ap-at kara ro namatay.
Ginpahyaga dugang nga maeagko nga mga eamok ro masami nga may daea it nasambit nga baeatian kon sa siin kaeabanan kara ro makit-an sa ugsaran ag kun may mga ginaalagaan nga baboy ag sa mga rice field.
