Nakalista ro Department of Health (DOH) it 2,177 kaso it leptospirosis halin Enero 4 hasta Hunyo 6, 2026, nga mas mataas it an-um nga porsiyento kumpara sa kaparehong tyempo ku nagtaliwan nga dag-on.
Suno sa DOH, mabahoe nga parte it mga naga-masakit hay mga mangunguma nga masami nga na-eexpose sa eutay ag tubi nga posibleng kontaminado it ihi it mga hayop samtang nagatrabaho sa mga paeayan.
Ro leptospirosis hay sangka sakit nga tuga it bacteria nga posibleng mabuoe sa pageusong sa baha ukon eutay nga kontaminado it ihi it mga nahawaang hayop, kaibahan ro daga.
May nakapahaom man nga doxycycline sa mga pasilidad pangikamayad nga eawas para sa mga nagakinahangean kara, samtang ginapabaskog man ro pakikipagbueuligan it mga ahensya it gobyerno ag mga lokal nga gobyerno para mapaeawig ro kasayuran sa pag-likaw sa sakit ag mapangalagaan ro ikamayad nga eawas it mga trabahador sa agrikultura.
Ginengganyo man it DOH ro publiko nga likawan ro pag-inom it bueong nga uwa it reseta para malikawan ro saea nga paggamit it antibiotics agat iba pang posibleng peligro sa ikamayad nga eawas.
