KALIBO, Aklan—Nakalista makarun it haeos 450,000 ka mga kaso it Omicron variant it covid-19 kada adlaw ro Unites States of America.
Suno kay Bombo International correspondent Pinoy Gonzales it Texas, U.S.A nga nakaangkon eun makarun it surge it covid-19 cases sa nasambitan nga nasyon.
Samtang ginaeauman pa sigon rayang magataas bangud sa pagsarado it mga testing agencies ko mga nagtaliwan nga inadlaw kasunod it holiday season.
Bangud kara hay uman man imaw nga nagpadumdom sa mga pomoeuyong Pilipino nga padayun nga magsunod sa ginapatuman nga health protocol agud nga mapabilin nga euwas sa paeag it makamaeatay nga variant it covid-19.
Dugang pa kara nga mas mayad nga likawan anay ro pagpatigayon it mga okasyon ukon limitahan eamang sa mga pamilya ro paga-imbitahan nga bisita.
Gin-insister pa kara nga base sa andang naeksperyensiyahan sa U.S hay bukon it madali ro epekto it nasambitan nga variant.
Apang makatao man it proteksiyon sa pagpabakuna kontra covid-19 kamana man ro pagpaturok it booster shot.
