Nag umpisa eon nga magtaas ro numero it kaso it rabies sa nasyon matapos nga makalista it 55 nga kaso makaron nga dag-on ro Department of Health (DOH).
Suno kay DOH Epidemiology Bureau director Dr. Alethea De Guzman, tanan nga 55 nga kaso it rabies hay nagresulta sa pagkamatay.
Raya sigon hay 8 porsiyentong mas mataas sa 51 nga kaso nga gin report sa kapareehong tiempo ko 2022.
Ginpahayag pa ni De Guzman nga haeos 100 porsiyentong makamaeatay ro rabies ag tanan nga 55 nga kaso nga natabu makaron nga 2023 hay puro mga namatay.
Ro rehiyon nga may pinakamaabung kaso it rabies hay ro Region 3 nga may 11 nga kaso, ginsundan it Calabarzon nga may siyam nga kaso.
May una man nga lima sa Region 5 ag tig-ap-at nga kaso sa Region 10 ag 11.
Suno kay De Guzman, kaabuan sa human rabies cases hay sa katung-anan it edad nga 20 hasta 59 ukon 54 porsiyento it kabilugan nga numero it kaso umpisa 2008 hasta 2023.
Kaabuan man sa napabalitang kaso hay mga kaeaeakin-an nga una sa 072 porsiyento.
Nabobo-oe ro rabies sa Angkit it infected nga sapat kapareeho it ayam ag kuring.
Raya hay ginasaylo pinaagi sa eaway halin sa direct contact sa biktima nga may preskang nina.
Samtang, ginmitlang pa ni De Guzman nga 81 nga probinsya sa nasyon ro gindeklarang rabies-free umpisa 2008 hasta 2020.
Kaibahan kara ro probinsiya it Siquijor, Batanes, Biliran, Camiguin, Marinduque, Dinagat Islands, Catanduanes ag Romblon.
