KALIBO, Aklan — Nagtaas it 29 percent ro kaso it dengue sa probinsiya it Aklan suno sa Provincial Health Office (PHO).
Maghalin Enero hasta Hulyo 29, 2018 hay nag-abot eon ro kaso it dengue sa probinsiya sa 722 kung siin daywa eon ro namatay.
Mas mataas raya it 29 percent kumpara sa nasilistang kaso sa kaparehong tiempo ku 2017.
Sa dengue watch list ro mga banwa it Kalibo nga may 167 cases; Batan ag Banga nga may tig-67 nga kaso ag Altavas man nga may 62.
Ro mga namatay bangod sa sakit hay naangkon sa banwa it Banga ag Balete.
Ginhambae ni Dr. Cornelio Cuatchon it PHO-Aklan nga mas pa nanda nga pabaskugon ro information and education campaign para sa kasayuran it publiko angot sa sakit nga dengue.
Kaeabanan sa mga biktima itdengue hay ginbueong sa Aklan Provincial Hospital nga may kabilugan nga 224 samtang ro 221 nga iba pang pasyente hay gindaea sa sangka pribadong ospital sa banwa it Kalibo.
