KALIBO, Aklan—Ginmanduan it Department of Health (DOH) ag Provincial Health Office (PHO) ro mga ospital sa probinsya it Aklan nga magtaeana it andang measles fast lane agud mataw-an gilayon it medikasyon ro mga pasyenteng may sintomas it sakit nga tipdas.
Kasunod raya it rising trend ukon pagtaas it numero it mga nagakasakit it tipdas kon siin, lomobo eon raya makaron sa 46 kaso nga kaeabanang natamaan hay limang dag-on.
Nasayuran nga 80% sa nasambitang uwa it nailistang record nga nagpabakuna kontra sa sakit.
Samtang, mag-eowas sa fast lane hay magataeana man it isolation rooms sa mga ospital agud malikawan nga matapnan it sakit ro ibang pasyente kapin eon ro mga onga ag nabdos.
Ginpahayag it PHO-Aklan nga ro Ciriaco S. Tirol Hospital sa isla it Boracay ag Municipal Hospital sa mainland Malay pa eamang sigon ro may fast lane ag isolation room.
Ginarekomenda man sa mga frontliner staff it mga ospital nga magpabukana agud malikawan nga madapuan it makamaeatay nga sakit.
