Kalibo Aklan —–Nakataeana nga pagapasakaan it kasong Frustrated homicide ro suspek sa natabong pagpamaril sa Brgy. Paningayan Madalag.
Base sa report ginkilaea ro biktima kay Jomarie Navarra, 46 anyos ag residente it nasambitan nga lugar.
Samtang ro suspek hay ginkilaea kay Mandy Tupas, 31 anyos.
Nasayuran nga antes ro insidente hay nagsinggit sa anang pamilya ro suspek it tinaga nga “ILABAS EUN”.
Nabatian man sigon raya biktima ag nagsabat it tinaga nga “ hinduna lang mabalik ako”.
Pagkatapos it pilang minuto sigon hay bumalik ro biktima sa baeay it suspek bitbit ro daywang bilog nga sanduko.
Antes pa nga makapaeapit hay una eun rayang ginbaril it suspek.
Nakaangkon it sambilog nga tama it baril sa anang tuo nga siki ro biktima ag makarun hay padayun nga naka-confined sa Aklan Provincial Hospital samtang ro suspek hay presenteng nakakulong sa Madalag Police Station.
