KALIBO, Aklan–Pormal eon nga ginpasaka it Numancia PNP ro kasong murder kontra sa tatlong ka mga suspek sa pagpatay sa biktima si Jack Mererague sa Brgy. Albasan, Numacia.
Suno kay Police Corporal Arjorine Mendoza, imbestigador it Numancia Municipal Police Station nga ginpasaka nanda ro kaso pinaagi sa regular filing kung siin pagataw-an it napueong adlaw ro mga suspek nga sanday Omran Nasir, Nahib Mutali ag Ahafajad Makapidar nga magsabat.
Engkaso nga mapas-eawan sanda nga magpakita hay magabase eon lang ro piskal sa ebidensya nga ginplastar it kapulisan.
Sa makaron, nagapabilin nga at large ro mga suspek matapos nga magpaeagiw.
Indi pa sigon matumod ro matuod nga motibo sa krimen apang owa nanda ginaduea ro posibilidad nga may kaangtanan raya sa pautang ukon transaksyon kanda it biktima.
