Pwedeng makasuhan it perjury ro sangka testigo kon nagbawi it anang pahayag sa kaso.
Suno kay Atty. John Mar Barrios nga may mabug-at nga penalidad ro sin-o man nga magapangatubang sa kasong perjury ukon magtau it pahayag nga puro kapurilan.
Apang ro pagdesisyon hay nakadepende sa Department of Justice ukon DOJ.
Madumduman nga gin aprubahan it dating administrayong Duterte ro pagpapanaog it mas mataas nga multa ukon penalidad sa sin-o man nga mapamatud-an nga nagkasaea it perjury.
Sa idaeum it Republic Act 11594, may penalty nga prision menor sa minimum period hasta prision mayor sa medium period halin an-um nga dag-on ag sang adlaw hasta 10 dag-on ag sang adlaw nga pagkakulong.
Pagapamultahon man ro may saea it sang milyong piso ag perpetual disqualification halin sa pagbuyot it anumang posisyon sa gobyerno.
Tuyo kara nga mapugngan ro sin-o man nga magpinuril samtang naga testigo sa anuman nga pagbista kapareho it legislative hearing.
Makabulig man sigon raya agud nga masabat ro isyu it manabang conviction rates sa mga tawong ginkasuhan it perjury.
