KALIBO, Aklan—Paga-imbestigahan it Bureau of Internal Revenue ukon BIR ro mga resibo nga gin-isyu it Kalibo Sr. Sto. Niño Ati-Atihan Management Council, Inc. (Kassamaco) sa mga transaksyon it mga raya sa nagtaliwan nga Ati-atihan festival 2020.
Suno kay Kalibo Sangguniang Bayan member Augosto Tolentino, unanimously nga gin-aprubahan nanda ro tikang it BIR agud nga eubus nga maklaruhan ro mga pumueoyo kaangot sa kontrobersyal nga isyu.
Ginpahayag dugang ni Tolentino nga sa andang pagpangusisa hay acknowledgement receipt eamang ro gin-isyu it council sa mga stall holder nga nagrenta sa kasagsagan it kapyestahan ni Sr. Sto. Niño.
Nasayuran nga makapilang beses natalakay it mga SB members ro isyu sa Kassamaco bangud sa delay nga pagsumite it financial report ag kat nasumite eon raya hay gin-usuyan sanda it kita kadungan sa mga transaction nga andang ginsueod.
