KALIBO, Aklan–Ginpaathag ni Department of Agriculture (DA) Assistant Secretary Arnel De Mesa ro kaundan it Philippine Rural Development Project ukon PRDP scale up project it ahensya.
Raya hay kadungan it anang pagbisita sa probinsya it Aklan kaina.
Sa naging diskurso ni De Mesa ginpahayag kara ro mga proyekto sa idaeom it PRDP nga available sa 82 nga probinsya sa nasyon.
Maga-umpisa sigon raya makaron nga dag-on ag ginaeauman nga maaprubahan it World Bank sa buean it Hunyo.
Ro I-BUILD nga magabuhay it lima hasta an-om nga dag-on hay may alokasyong P35 billion.
Raya sigon ro may pinakamabahoe nga percentage nga naga-abot 80 porsyento.
Pwede sigon kara ro pagtukod it farm-to-market road kaibahan ro tulay, small scale irrigation project ag slaughter house.
Samtang, ro I-REP mat-a hay may P6 billion nga alokasyon.
Dikara nakasueod ro mga enterprises, cold storage ag iba pang livelihood projects.
Gin-engganyo man it opisyal ro mga lokal nga gobyerno kaibahan ro provincial government nga ayuson ag pahaumon ro tanan nga ginakinahang-ean nga dokumento ag isumte sa regional office agud nga mailinya.
Dapat sigon siguraduhon nga masunod ro tanan nga requirement agud nga mataw-an it alokasyon.
