Ginapa-usisa ni Senate President Sherwin Gatchalian ro kawad-an it regular nga audit sa presyo it produktong petrolyo sa tunga it padayun nga pagtaas sa sukot sa generation charge sa bill it kuryente.
Ro nasambit nga problema hay nagtuga it financial distress sa maabu nga mga consumers.
Sa Senate Resolution 581 nga ginpasaka ni Gatchalian, ro nagataas nga generation charges ag kawad-an it regular fuel cost audits hay nagapakita it pagkinahangean it mas mabaskog nga saeabton ag transparency sa power generation sector para masiguro ro masarangan ukon mas manabang sukot sa kuryente.
Gintumod it senador nga napilitang magbayad it dugang nga ₱620 kada buean ro mga households nga nagakunsumo it 200 kWh.
Ginapakita eamang sigon nga ro mataas nga sukot sa kuryente hay tuga it generation charges nga ginapasa sa mga consumers.
