Kawad-an it suplay it ginabaligya nga softdrinks, presenteng na-eksperyensyahan

KALIBO, Aklan–Padayun makaron nga na-eksperyensyahan ro kawad-an it suplay it ginabaligya nga softdriks sa pilang kaean-an partikular sa mga karendirya.

Suno kay Anita Vega, tag-ana it karendirya sa banwa it Numancia nga haeos daywang dominggo eon nga owa kanda it delivery it softdrinks.

Amat-amat sigon nga naghina ro suplay hasta eubusan nga napundo.

Raya sigon ro unang kahigayunan nga naka-eksperyensya imaw it kawad-an it suplay halin kat magtukod imaw it anang negosyo ko dag-on 2004.

Indi sigon malikawan nga may pilang costumer gihapon nga naga-usoy it softdrinks pagkatapos it kaon sa pihak it kawad-an it suplay.

Bilang alternatibo, nagatao sigon sanda it maeamig nga tubi.