Makabig nga mabahoe nga hangkat ro na-eksperyensyahan ni Kelvin Miranda sa anang mental health matapos imaw nga ma-diagnose nga may Bipolar I ag post-traumatic stress disorder (PTSD) with attention deficit hyperactivity disorder (ADHD) ku nagtaliwan nga dag-ong 2020.
Apang, madinaeag-on nana nga naeagpasan raya sa bulig man it anang pamilya ag mga amego.
Ginpahayag ni ni Kelvin nga naging malisod kana sa una nga batunon ro ginapangatubang.
Kung siin owa eagi imaw nagpakonsulta ag gintestingan sigon anay nana nga i-manage ro kaugalingon nga nababatyagan.
Apang, matapos magtan-aw sa mga eksperto, amat-amat sigon ni Kelvin nga nabaton ro anang kondisyon.
Nagpaidaeom ro aktor sa mga nagakaigo nga therapy ag moral support.
Samtang,pinakamabahoe man nga bulig kay Kelvin ro acceptance ag self-love para makasunod ag mabantayan nana ro kaugalingon nga sitwasyon kung siin iga-priority anay nana ro anang kaugalingon
