Sangka Kenyan cult leader nga gina-alegar nga nagmandu sa anang mga sumueunod nga patayon sa gutom ro andang mga kaugalingon ro nag-atubang sa korte samtang gin-usoy it mga imbestigador ro masobra pang mga bangkay sa sangka kabukiran sa nasidlangan nga parte it Kenya kun siin 101 bangkay eon ro nakutkot.
Ginpahayag it mga awtoridad it Kenya nga ro mga namatay hay miyembro it Good News International Church nga ginapangunahan ni Paul Mackenzie nga nagmandu sa anang mga sumueunod nga magpakamatay para sanda ro unang maagto sa eangit.
Kaeabanan sa mga namatay hay mga inonga , nga nasapwan sa mga mass graves ag waeong tawo ro nasapwang buhi pa apang owa nagbuhay ag namatay man.
Angot kara, ginpahayag it interior ministry it Kenya nga masobra sa 400 katawo pa ro naduea sa nakapalibot sa nasambit nga lugar ag padayon pa nga gina-usoy.
Si Mackenzie, hay una sa kustodiya it pulisya, apang sarado sa gihapon ro anang bibig sa pagtao it anumang komento sa nasambit nga insidente it anang mga sumueunod.
