KALIBO, Aklan – – – Aminado si Civil Aviation Authority of the Philippines ukon CAAP Kalibo International Airport (KIA) Manager Efren Nagrama nga naga kabaeaka imaw sa naging paandam ni Pangueong Rodrigo Duterte engkaso nga indi masolusyon sa sueod it an-um nga buean ro environmental problems sa isla it Boracay.
Apang, sa makaron suno kay Nagrama hay naga pabilin pa nga normal ro sitwasyon sa KIA kun sa siin naga padayun ro pag aeabutan it international ag domestic flights ag makabig nga bukon it apektado.
Nasayuran nga naga average it 64 international flights, back and forth sa KIA kun sa siin 22 kara ro sa bahin it domestic.
Gin hayag ni Nagrama nga apisar it kontrobersiya sa Boracay, maabo sa gihapon sigon ro nagpabutyag it intention nga magdugang it flight sa KIA apang, naga panimbang sigon sanda nga magbaton bangud sa naga padayun nga pag repair sa runway nga posibling matapos pa sa buean it Mayo.
Naga eaum man si Nagrama nga indi maapektuhan ro pagpabutyag it intensyon it ibang airline company tuga it “cesspool” remarks.
Nasayuran nga ro KIA hay may direct flights sa China, South Korea, Taiwan ag Malaysia kun sa siin 90% it mga sakay kara hay Boracay eamang ro destinasyon.
