-- ADVERTISEMENT --
Nagbueag eon ro magkarelasyon nga sanday Kim Kardashian ag Pete Davidson matapos ro siyam nga buean nga relasyon.
Suno sa kampo it daywa nga kueang ro oras nanda sa kada isaea rason nga nagdesisyon sanda nga magbueag.
Masami sigon nga idto sa Australia si Davidson para sa anang pelikula samtang si Kim hay masako sa pag-alaga sa ap-at kara nga unga sa Los Angeles.
Unang ginpasapubliko it daywa ro andang relasyon ko Oktubre kat magtambong ro mga raya sa kasae it sambilog nanda nga amigo.
