KALIBO, Aklan — Arestado ro magmaeanghud matapos nga gina-alegar nga bun-on ro tatlong katawo sa sangka baylihan ko Domingo it aga-aga sa Brgy. Ondoy, Ibajay, Aklan.
Nakilaea ro mga suspek nga sanday Jemuel ag Jenry Gaa, parehong residente it Brgy. Antipolo, Ibajay nga gina-alegar nga sa impluwensiya it aeak.
Ginabueong makaron sa Aklan Provincial Hospital ro mga biktima nga sanday Rafael Castillon, 22, residente it nasambit nga lugar ag sangka 16-anyos nga menor de edad nga tumandok it Brgy. Aquino sa nasambit man nga banwa.
Samtang, insigidang nakaguwa sa ospital si Gabrielle Enerio, 22 it nasambit nga lugar matapos nga mabueong ro anang naagum nga lastro.
Nasayuran nga samtang sa katung-anan it kasadyahan hay gulpi eamang nga nakaangkon it rambol sa guwa it baylihan nga nagresulta sa pagkabuno sa tatlo.
Ro insidente hay padayun pa nga gina-imbestigahan it Ibajay Police Station.
