KALIBO, Aklan—Ginpasiguro ni Presidential Candidate Manila Mayor Isko Moreno Domagoso nga igapakigbato kara ro kinamatarong it Pilipinas kontra sa anumang paeag partikular ro pagpang-bully it mga kaeapit nga nasyon.
Suno kay Mayor Isko, engkaso nga mailihir imaw bilang pangueo sa May 9 elections hay maga-adtu imaw sa United Nation General Assembly para sukton ro tanan nga miyembro kara nga kilaeahon ro The Hague rulling.
Ginpasiguro ni Mayor Isko nga magapadayun gihapon ro kalakan sa mga kaeapit nga nasyon ag indi pag-itolerar ro kaparehong insidente nga natabo ko kan-o eamang sa bahin it Bajo De Masinloc.
Dapat suno kana nga pabaskugon ro atun nga laye ag implementasyon kara sa teritoryo it nasyon.
Indi sigon pwede nga tapakan it ibang nasyon ro atun nga kinamatarong sa mga propiedad nga sakop it soberanya.
