Nagnaba it 60% ro kita it mga mangingisdang Pilipino maeapit sa Scarborough shoal sa tunga it fishing ban it China sa disputed waters nga sakop it West Philippine Sea.
Suno sa grupong Pambansang Lakas ng Kilusang Mamamalakaya ng Pilipinas ukon PAMALAKAYA, ro income it mga mangingisda hay nagnaba sa P4,000 pesos halin sa dating P10,000 pesos sa kada nagapaeaot sanda maeapit sa Scarborough shoal.
Ginpahayag ni PAMALAKAYA-Zambales provincial coordinator Joey Marabe, ginpabaskog pa ro presensiya it mga barko it China halin kat ginpaidaeom ro territorial waters it Pilipinas sa fishing moratorium.
Maskin nga uwa sanda nakaeksperyensya it untoward incidents sa maeagkuang barko it China, ro presensiya sigon it mga raya sa lugar hay nakasab-eag sa andang regular fishing activities.
Angot kara, nagpanawagan ro grupo sa administrasyong Marcos nga buligan ro mga mangingisdang apektado it fishing ban it China.
