KALIBO, Aklan—Kanselado ro klase ag trabaho sa pilang ka mga estado it Amerika bangud sa padayun nga pagpanaeasa it “massive winter storm”.
Suno kay Bombo International Correspondent Pinoy Gonzales it Texas, U.S.A nga kapin sa 350,000 katawo eun makarun ro apektado it nasambita nga insidente.
Nag-abot sigon it -zero ro andang nabatyagan nga kaeamig ag maabong mga tanom ro nagkamatay.
Nasayuran nga naeskperyensiyan man sa Arkansas ag Tennessee; Illinois ag Ohio; Kentucky ag West Virginia ro madamoe nga snow, freezing rain ag naga-yelo ro palibot ag maabo ro nadueaan it suplay it kuryente.
Samtang owa man it may naireport nga namatay bangudsa insidente mag-euwas eamang sa piang ka mga driver nga naaksidente matapos nga makabunggo sa andang kasunod nga saeakyan bangud sa madanlog nga daean.
