KALIBO, Aklan—Haeos tanan nga banwa sa probinsiya it Aklan ro nagsuspinde it klase bangud sa Bagyong Betty.
Raya hay matapos nga magpaguwa ro DOST it public weather advisory nga ro Aklan hay ginpaidaeum sa orange rainfall warning.
Suno kay Jefrey Jismundo it Provincial Disaster Risk Reduction and Management Council ukon PDRRMC nga mas ginpabaskog it bagyo ro hanging habagat rason it sigidas ag mabaskog ro uean.
Ro suspension of classes hay base sa mga ginpaguwa nga executive order it natungdan nga alkalde samtang ro iba hay naggamit it DepEd Order angot sa guidelines sa cancellation ukon suspension it classes.
Nasayuran nga mag-eowas sa sueod it klase, ginsuspinde man sa ibang banwa ro sueod it government employees.
Sa pihak nga parte, apela nana sa publiko nga maging mapagbantay ag pirmeng mag monitor sa daeagan it paniempo.
Posible kara ro mga pagbaha ag paghugos it eugta.
