Amat-amat eon nga nagakatagak sa elimination round sa kada grupo ro mga nagkaeain-eain nga nasyon nga nakaeakip sa prestihiyosong hampang it FIFA World Cup 2022 nga nagapadayon makaron sa nasyon it Qatar.
Nagahilapit eon ro knockout stage kon siin sa 16 nga koponan hay waeo ro mabilin nga makaabot sa semis.
Dikara maipakita it kada koponan kon man-uno kahugot ro andang depensa bangud nga otomatikong maga-uli ro mapyerdeng koponan.
Suno kay John Jayson Vergara, sangka football coach nga maskin naeliminate ro mga natungdan nga koponan hay maga-uli gihapon ro mga raya it milyon of dollars maghalin sa FIFA.
Uwa man sanda nataw-an it kahigayunan nga makuhit ro tropeyo apang may milyon nga kantidad it kwarta gihapon sanda nga igauli sa andang nasyon.
Samtang, ginatan-aw ni Vergara nga magasueod sa semis ro nasyon it France, Portugal, Argentina ag Brazil.
Ro ap-at nga nasyon suno kana hay may manami nga record sa mga nagtaliwan nga world cup ag makit-an ro consistency sa andang mga nughampang eabi eon ro mga ginasaligan nga star players it mga nasambitang koponan.
