Gindeklara it Quezon City Council bilang “persona non grata” ro komedyanteng si Ai-ai Delas Alas ag short film director nga si Darryl Yap.
Raya hay matapos nga gin-akusahan ro daywa it pagpang-bastos sa official seal it andang siyudad.
Partikular nga ginatumod it City Council ro video post online kung siin makit-an ro komediyante nga gintuead si Mayor Joy Belmonte ag sa likod kara ro official seal it siyudad apang ginbayluhan ro pangaean.
Ro resolution hay ginsumite ni District IV Councilor Ivy Lagman nga gin-aprubahan man it konseho it siyudad.
Ginpahayag ni Lagman nga sangka pagpang-bastos sa mga pumueoyo it QC ro pagsamad it official seal it siyudad.
Ro nasambit nga video hay ginpost sa Facebook account ni Anakalusugan Party-list Rep. Mike Defensor nga naging ka-engkwentro ni Mayor Joy Belmonte sa pagka-alkalde sa kakatapos eamang nga eleksyon.
