Sangka New York-based mattress company ro naga-usoy it “professional sleeper” nga paga-swelduhan nanda agud nga magkatueog ag maging “sleeping influencer” sa social media.
Suno sa website it mattress company nga Casper, naga-usoy sanda makaron it empleyado nga makasarang nga magkatueog sa andang mga outlet stores ag may ikasarang nga matueog it hamuok sa mga bukon it ordinaryong lugar.
Pila sa mga requirements nga dapat gina angkon it mga aplikante hay dapat nga sueok raya sa tueog, tueog mantika nga indi basta-basta nabubugtaw sa sangkiri nga sangag ag madasig nga duygon.
Mag-eowas sa pagtueog sa trabaho, sambilog sa responsibilidad it professional sleeper hay dapat dokumentado sa mga videos ro kada pagtueog ag willing raya nga i-post sa social media ro anang mga sleeping videos.
Gina engganyo it Casper sa mga aplikante nga ipakita sa TikTok ro talent sa pagtueog bilang kaparte it andang “audition”.
Ro mga masuwerteng mabaton sa trabaho hay pagapasugtan nga magsueod nga nakasuksok it pajama ag makabaton it mga produkto it kompanya.