KALIBO, Aklan–Kon makabatyag it eamig, sigurado nga raya hay sangka miyembro it pamilya nga nagapabatyag.
Raya ro ginpahayag ni Edgardo Aguelo, sangka kilaeang albularyo sa Aklan angot sa pagdumdum it pista minatay.
Apang kon ro eamig hay may daea nga makatoe nga pamatyagan ag gulping gin-eagnat, raya hay halit nga daea it espiritu sa taeon ukon bukid.
Raya ro mga espiritu suno kana nga owa naila magsaka sa eangit ukon impiyerno rason nga kaeabanan nga nagapanago agud nga indi makita it ginatawag nga “tagasundo”.
Suno kay aguelo nga indi dapat nga mahadlok ro publiko kon makabatyag it matsa gina-eamig bangud nga raya hay sangka senyales it pagbisita it mahae sa kabuhi nga nagtaliwan eon nga ro gusto eamang hay bisitahon ro andang panchon ukon haearan it pangamuyo ukon paborito nanda nga pagkaon.
Mas mayad suno kana nga pasugtan ro andang hinyu bangud nga ro mga raya kapareho it mga buhi hay nagasunggod man ro mga kaeag nga medyu nabalewala.
Dugang pa nga magalinong eamang ro mga nagapabatyag nga espiritu maskin nga bukon man it Undas hay ro grabeng pangamuyo.
Sa pihak nga parte, ro mga espiritu sa taeon ro kaeabanan nga nagasapi sa tawo nga nagakinahangean nga ipaidaeum sa exorcism.
Ro akto it exorcism hay sangka religious practice sigon agud nga mapa-eayas ro maeain nga espiritu, demonyo, ag iba pang elementong nagasapi sa sangka tawo.
