KALIBO, Aklan—Ginamanduan ni Pangueong Rodrigo Duterte sa anang ikalimang State of the Nation Address (SONA) ro kongreso nga magpasa it proposisyon angot sa pagtukod it Boracay Island Development Authority (BIDA) para sa pagahimuon nga rehabilitasyon sa isla.
Madumduman nga ko dag-on 2018, ginmando ni Pangueong Duterte ro six-month closure it Boracay kon sa siin ana raya nga gintawaga nga “cesspool.”
Ginpunto dugang it Presidente nga dapat taw-an it haega it mga pomoeuyong Filipino ro pagbangon it ekonomiya sa nasyon pamaagi sa pagbisita sa mga local tourist destination.
Nasayuran nga ro Boracay hay ginakabig nga first top tourist spot nga nagbukas umpisa nga ginpatuman ro lockdown sa pilang parte it nasyon bangud sa COVID-19, apang bukas eamang raya para sa taga- Western Visayas nga ginakaeakipan it mga probinsya it Aklan, Antique, Capiz, Guimaras, Iloilo, ag Negros Occidental.
