KALIBO, Aklan—Ginkalipay it Sangguniang Panlalawigan it Aklan ro uman nga paghire it mga contact tracers it Department of the Interior and Local Government (DILG).
Suno kay Sangguniang Panlalawigan member Jay Tejada nga ginpaeawig pa it taeatapan umpisa Agosto 23 hasta Disyembre 31 it presenteng dag-on ro kontrata it mga contact tracers kamana man nga gindugangan pa raya it siyam.
Halin sigon sa dating 74 nga mga contact tracers hay sumaka eon raya 83 sa makaron.
Bangud kara, ro kada banwa sa Aklan hay may ap-at hasta lima nga aktibong contact tracers.
Suno kay Tejada, ro paghire it dugang nga tawo hay desisyon mismo it DILG base eon man sa andang naging assessment.
Dugang pa kara nga importante ro papel it mga contact tracers agud mapadasig ro pagtumod ag isolation sa mga nakasalumaha it COVID-19 positive.
Ro mga nasambit nga indibidwal suno kana hay ginpaidaeom sa training sa idaeom it pagdumaea it DILG kun siin ginprayoridad kara ro mga owa it trabaho ag distress workers.
