Gindayaw ni Senator Loren Legarda ro provincial government ag gin-acknowledge ro kontribusyon it mga Aklanon kasunod sa selebrasyon it ika-67th anniversary sa pagseparar it Aklan sa probinsya it Capiz kon sa siin imaw ro sambilog sa mga dinapit nga bisita.
Bilang supporter it culture and arts, ginsambit nana ro ginapabugae nga produkto it Aklan nga ginakaeakipan it abaca, piña ag banana weaving kon sa siin eubus nana raya nga ginasuportahan bilang nagapangunang pangabuhian it mga Aklanon.
Pinaagi sigon sa pagpabaskog sa nasambit nga produksyon ag sa padayon nga pag-export sa produkto hay eubus nga makilaea ro probinsya.
Raya hay mag-eowas pa sa mas ginpabaskog nga industriya it turismo sa isla it Boracay.
Sa pihak nga parte, nagpromisa ro senadora nga igaduso sa senado nga mataw-an it pondo ro Aklan nga kapin sa P50 milyon pesos para sa rennovation it ABL Sports and Cultural Complex.
Mag-eowas kara, plano man nana nga ro basura nga matipon sa isla it Boracay hay inde eon pag-itabok sa mainland Malay kaparehas sa nakaangdan makaron nga ro nakakontrata nga maghakot it basura hay ro ECOS.
