KALIBO, Aklan—Dapat nga masayuran ag kilaeahon ro mabahoe nga kontribusyon sa kahilwayan it nasyon ni Gat Andres Bonifacio.
Makaron nga adlaw, Nobyembre 30 ginaselebrar ro kaadlawan it sambilog sa baganihan it nasyon kung siin kada dag-on hay ginadeklara raya bilang regular holiday.
Ginpahayag ni Atty. Plaridel Morania, sangka batikan nga abogado sa probinsya it Aklan ag dating college professor nga sangka simple apang may maeawig it panan-awan nga klase it tawo si Bonifacio.
Apisar nga owa imaw nakatapos sa kolehiyo, indi man mabalibaran ro anang kaaeam ag abilidad kung siin gusto nana nga mahilway ro nasyon sa pagdumaea it mga dumueoo.
Si Bonifacio hay sangka makata ag maabu nga ginsueat angot sa kasaysayan.
Imaw hay gin-unga ko Nobyembre 30, 1863 ag ginakonsidera bilang ama it rebolusyonaryong Pilipino kontra sa pagpang sakop it mga Español.
Gin-insister man kara nga dapat padayun nga ituro sa mga unga sa eskwelahan ro mga hinimuan it kada baganihan agud nga indi sanda makalipatan.
