KALIBO, Aklan — Namatay eon ro kontrobersiyal nga abogado sa Aklan nga si Atty. Benito Salazar sa edad nga 64 anyos.
Si Atty. Salazar nga tubong Batan, Aklan hay binawian it hueam nga kinabuhi sa sangka ospital sa Manila bangud sa sakit sa baga ag tagipuso-on.
Kaeakip imaw sa mga abogado ni Senador Panfilo Lacson sa kontrobersiyal nga Kuratong Baleleng rubout case.
Nasayuran nga naabswelto man si Atty. Salazar sa kasong pagbaril-patay kay Munding Rodriquez ku 2001 bangud sa dating alitan sa pantalan sa Barangay Dumaguit, New Washington, Aklan.
Madumduman nga gin tumba ro biktima samtang gina interview it dating Bombo Kalibo reporter nga si Jodel Rentillo.
Samtang, gin tinguhaan man nga sudlon ni Atty. Salazar ro pulitika ku 2016 elections, apang, napierde sa kasumpong karang si Mayor Rodel Ramos it Batan, Aklan.
