Uwa pa it sang buean matapos ro K-pop star nga si Moonbin kat binawian it hueam nga kinabuhi sa edad nga 25 anyos, ro Korean singer nga si Haesoo hay ginreport man nga namatay sa edad nga 29 anyos.
Nasapwan nga patay si Haesoo sa anang hotel kon sa siin nakit-an it South Korean police ro ginapatihan nga suicide note sa anang kwarto.
Si Haesoo hay sangka trot singer, sangka genra nga sikat sa South Korea.
Nag-debut imaw ko 2019 ag ginpaumwad ro anang fan base kasunod it pagguwa sa anang single album nga, ‘My Life’.
Matapos ro pag-release it anang mini-album nga My Life ko 2019, nagpaguwa man si Haesoo it nagkaeain-eain nga nakakaakit nga kanta nga ginkagiliwan it anang mga taga hanga.
Nakataeana kunta nga magperform ro nasambitang singer sa Gwanjumyeon People’s Day event sa Wanju Gun, Jeollabuk-do sa Mayo 20.
