-- ADVERTISEMENT --
KALIBO, AKLAN — Nagapamayad eon sa sangka pribadong ospital ro sangka Koreano matapos nga masunggaban ro ginamanehong motorsiklo it nakasub-eang nga tricycle sa Sitio Hagdan, Brgy. Yapak sa isla it Boracay.
Ginkilaea ro biktimang si Seung Peak Lee, 30-anyos taga-South Korea ag nagabakasyon eamang sa isla.
Nag-angkon raya it mga nina sa nagkaeain-eain nga parte it eawas.
Base sa report it Boracay Tourist Assistance Center (BTAC), nagapauli eon ro biktima halin sa Brgy. Balabag kat makasub-eang ro sangka pampasaherong tricycle nga ginamaneho ni Vivincio Santillan, Jr., 47-anyos ag residente it Union Libertad, Antique.
Nawad-an sigon it control ro tricycle driver sa paubuson nga parte it karsada butang nga nasunggaban ro motorsiklo it Koreano.
-- ADVERTISEMENT --
