KALIBO, Aklan—Ginaabangan eon makaron nga adlaw it bilog nga kalibutan ro pagkorona kay King Charles III bilang hari it Britanya.
Suno kay Bombo International Correspondent Victor Manejero it London, England nga mas masako eon ro mga daeanon nga pagaagyan it parada sa Westminster Abbey kon sa siin preparado eon ro tanan para sa pagapatigayunon nga prosisyon.
Ginpahayag dugang nga organized ro tanan para sa makasaysayan nga hitabo makaron nga adlaw it Sabado.
Si King Charles hay awtomatikong naging hari sa pagkamatay it anang ina nga si Queen Elizabeth ko buean it Setyembre.
Angot kara, si King Charles III hay hari man ag pinuno it estado it 14 nga iba pang nasyon kaibahan ro Australia, Canada, Jamaica, New Zealand ag Papua New Guinea.
Samtang sa pihak nga parte, gindeklara ro Mayo 8 ukon Lunes nga adlaw nga holiday para markahan ro okasyon.
Bangud kara, eauman suno kay Manejero nga may mga konsiyerto nga pagapatigayunon ag makipagbahin kara ro Filipino community bilang konsulasyon sa andang kaugalingon.
Makit-an sigon ro mga waea-tuo nga party sa nasambit nga nasyon bilang pakikipagbahin sa selebrasyon it mga royal family.
