Kumpiyansa si sangguniang bayan member ronald marte nga mabuytan kara it mayad ro komite nga gintau kana.
Raya hay ginaeakipan it committee on tourism , committee on public utility ag committee on peace and order and public safety.
Nasayuran nga sa ginpatigayon nga inaugural session, ginpahayag ro mga nakasugtanan nga distribusyon it chairmanship it mga komite sa konseho.
Suno kay marte nga bangud sa anang mga experiensiya partikular ro pagiging dating punong barangay it nalook hay madumaeahan nana it maayos ro nasambit nga mga komitiba.
Mag-eowas kara, magiging madali eamang sigon ro anang trabaho ag pagpasa it mga igaduso nga proyekto ag programa bangud sa suporta it konseho ag ni mayor juris sucro.
Kaibahan sa anang plano hay ro modernisasyon it kalibo municipal police station eabi pa ag ginaduso makaron ro cityhood it kalibo.
Gusto sigon nana nga makabilog it SWAT team ro kalibo pnp ag pagdugang it mobile patrol kabulig ro barangay ag mga KAP members.
Kaibahan pa sa anang plano ro pagtau it ambulansiya sa bureau of fire protection sa pagresponde sa mga emergency cases ag dugang nga kagamitan sa MDRRMO.
Sa pihak nga parte, pagatutukan man nana ro tourism development ag pagbulig sa mga negosyante agud nga makahimo it maabu nga trabaho para sa economic recovery.
Kaibahan kara ro pagpanami sa Magsaysay park ag pagbuhi it cultural show sa nasambit nga lugar kamana man ro mas pang pag develop sa pook jetty port bilang dugang nga tourism attraction.
Sa kamatuoran suno kana hay kaibahan sanda ni mayor sucro sa pakikipagpueong it provincial government sa mga investors halin sa Korea.
Samtang, paga-estudyuhan man sigon nanda ro pagpa-ayos sa kalibo shopping center , kalibo public market ag ro pagtau it uniform sa mga nagabantay sa daeagan it trapiko.
