Sangka kuring ro nadakpan nga may nakakabit nga droga sa eawas sa guwa it Pococi Penitentiary sa Costa Rica.
Base sa report it Ministry of Justice and Peace it Costa Rica, nataeupangdan it sangka opisyal it Penitentiary Police ro kuring nga nagawinarang sa sueod it pasilidad ko gabi-i it Mayo 6.
Dikara nanda natukiban nga may daywang pakete it ilegal nga droga ro nakahigot sa eawas it kuring.
Nakit-an sa mga pakete ro 235.65 gramo it marijuana, 67.76 gramo it crack paste ag daywang bilog it papel nga ginagamit sigon sa pag-obra it mga tiket.
Ginkumpiska ro nasambit nga mga kontrabando samtang ro kuring nga gintawag it mga netizen nga “Narcomichi” ukon “Narco Kitten” hay gindaea para sa pagdumaea it National Animal Health Service (SENASA) agud nga mausisa ro anang ikamayad nga eawas.
