KALIBO, Aklan—Kulong ro sangka 43-anyos nga kusinero matapos nga maboe-an it mga drug paraphernalia kat hana kunta imaw nga magapaeagyo sa checkpoint sa Barangay Bay-ang, Batan, gabi-i it Domingo, Mayo 12.
Base sa report, ginparahan it kapulisan sa andang gintukod nga checkpoint ro suspek nga si Mark Lee Cipriano, residente it nasambit nga barangay samtang sakay it anang motorsiklo bangud sa bisperas sa selebrasyon it kapiestahan it barangay magpag-ong, batan.
Apang imbis nga magpundo hay gina-alegar nga naghana pa raya nga magpaeagiw nga insigida man nga napugngan it mga otoridad.
Sa pag-rekisa kay cipriano, nabo-oe kana ro sangka lunch box nga may sueod nga aluminum foil, sangka transparent plastic sachet it ginadudahan nga shabu ag improvised totter.
Si cipriano hay dating drug surrenderee rason nga gina-monitor ro anang mga aktibidad .
Gin-aku man it suspek nga imaw ro nagapanag-iya it nasambit nga mga gamit .
Ginrason pa nana nga bangud sa anang pagpueaw butang nga uman nga nagbalik sa dating bisyo.
Presenteng nakadetini sa custodial facility it Banga Municipal Police Station ro suspek ag nakataeanang pagapasakaan it kaso angot sa iligal nga droga.
