Ginkumpirma it Philippine National Police nga naisaylo eon ro kustodiya ni Kingdom of Jesus Christ Pastor Apollo Quiboloy sa Pasig City Jail.
Raya hay matapos nga imando it Pasig City Regional Trial Court ro pagsaylo it pasilidad sa kontrobersyal nga Pastor kato pang November 22.
Suno kay PNP spokesperson Police Brigadier General Jean Fajardo , ginhatod it mga tawuhan it PNP si Quiboloy bilang pagsunod sa mando it korte.
Kon madumduman, halin kat maaresto raya hay naikustudiya eon imaw sa Philippine National Police Custodial Center sa Camp Crame samtang nagapabilin sa Philippine Health Center para sa anang medical concern.
Nagapangatubang si Quiboloy sa patong-patong nga kaso kaibahan eon ro child and sexual abuse ag non-bailable qualified human trafficking sa Pasig Regional Trial Court.
