KALIBO, Aklan—Bukon it pabor si Labor leader ag Presidential aspirant Ka-Leody De Guzman sa Build, Build, Build Program it administrasyon ni Pangueong Rodrigo Duterte.
Suno kana, mas pang naglobo ro utang it Pilipinas halin sa P5.9 trillion kung siin ginakabaeak-an nga maga-abot raya it P13.4 trillion antes matapos ro termino it pangueo.
Ro BBB Program suno kana hay mas pang nagpaeugmok sa ekonomiya it nasyon ag naging problema pa matapos nga magtuhaw ro pandemya.
Makasueobo sigon isipon nga sa pihak it mga gintukod nga proyekto eabi eon ro mga imprastraktura hay maabu gihapon nga mga Filipino ro nagapabilin nga pigado ag naga-antus sa mataas nga presyo it mga nagapangunang baeak-eon.
Dapat sigon nga mas gintutukan it gobyerno ro pagresolba sa problema partikular sa unemployement, kapigaduhon ag mataas nga presyo it pilang produkto sa tunga it pandemya ag iba pang krisis nga ginapangatubang it nasyon.
