Nagpaandam ro Office of the Civil Defense sa publiko sa posibilidad it lahar flow sa tunga it nagapadayon nga volcanic unrest sa Bulkang Kanlaon sa Negros island nga gindunganan pa it mga pag-uean daea it bagyong Ferdie ag hanging Habagat.
Suno kay OCD spokesperson Director Edgar Posadas, namonitor ro mud flow sa pilang lugar sa Western Visayas nga nakaeksperyensya it mga pag-uean kaya may posibilidad it lahar flow.
Samtang, bug-os eon man nga nakipag-angot ro mga opisyal it lokal nga gobyerno sa Western Visayas sa andang counterparts halin sa Central Visayas agod masigurado ro coordinated response kung mag eopok ro bulkang Kanlaon.
Ginaayos eon man it mga lokal nga gobyerno ro anda nga pagpahaom kaibahan ro planong paghalin sa mga residente kung lumala ro sitwasyon sa bulkan.
