KALIBO, Aklan–Ginapatihan nga bangud sa land dispute ro rason it pagbaril-patay sa sangka 67 anyos nga lolo it ginasugid nga riding in tandem sa Brgy. Polocate, Banga kabi-i.
Suno kay Ace Gumban, unga it biktima nga ko nagtaliwan nga mga inadlaw hay gin-gastusan it anang ama ro pagpa-subdivide sa gina-agawan nga eugta.
Ro mga naka-away suno kana it anang ama, kun sa siin ro andang owa pagka-ilintindihan hay naka-abot eon sa barangay hay maeapit eamang sa andang baeay ag haeos mga kadugo man nanda.
Bangud kara, nakabaton suno kana it death threat ro andang ama.
Ginasugid nga medyu may mabahoe nga kaakig ro nagpatay sa biktima bangud nga gin-ubos ro tanan nga bala it .45 kalibre nga baril ag gintapos raya it 9mm nga baril.
Samtang, ginapasa-Diyos eon lang sigon nanda ro tanan , apang handum nanda nga sa mas madali nga tiempo hay mataw-an it hustisya ro pagkamatay it andang ama.
