POLICE Report — Ginbuno-patay ro sangka babaye it anang tenant sa Antipolo, Rizal, matapos ro mainit nga diskusyon angot sa owa nabayaran nga renta.
Base sa report, inatake it 36 anyos nga suspek nga si alyas Jes ro biktima nga igmanghud it tag-ana it boarding house matapos sigon nga mapahuya sa pauman-uman nga pagsukot kara.
Sa sangka video, makita ro andang pag-diskusyon antes nga puwersahang sinipa it suspek ro pwertahan it baeay it biktima ag ginbuno nga tinamaan sa anang dughan.
Gindaea pa raya sa ospital apang gindeklarang dead on arrival.
Suno kay Antipolo Police Chief Lt. Col. Ryan Manongdo, ginpahayag it suspek nga pirme sanda nga gina-akigan ag gina-singgitan it biktima bangud sa owa nabayarang renta.
Aminado imaw nga owa nana napugngan ro anang kaakig, eabi pa ag hilong imaw kat matabu ro insidente.
Narekober it mga pulis ro gingamit nga kutsilyo ag presenteng nakakulong ro suspek nga nagapangatubang sa kasong murder.
Padayun man nga ginatinguhaan it mga awtoridad nga mabo-oe ro pahayag it pamilya it biktima.
