KALIBO, Aklan—Bangud sa sigidas nga pagbubu it mabaskog nga uean sa nagtaliwan nga mga adlaw, masami eon nga nakalista it mga pagbaha ag pagkahugos it eugta ro pilang kabanwahanan sa probinsya it Aklan.
Base sa datus it Provincial Disaster Risk Reduction and Management Council (PDRRMC)-Aklan nga masami eon ro serye it landslide sa pilang daeanon ag nabukid nga porsyon it probinsya.
Suno kay Mr. Galo Ibardolasa, Action man it PDRRMC-Aklan nga insigida sandang nagapatigayun it aksyon para maging passable ro mga daeanon nga nakaangkon it landslide.
Ginpabugae pa kara nga madasig eon ro pagresponde sa makaron bangud sa pagbueoligan it mga natungdan nga ahensya it gobyerno.
Posible sigon nga bangud sa mabaskog nga pagbubu it uean rason nga nagahumok ro eugta sa kabukiran.
Ginlaygayan man kara ro mga pumueoyo eabi eon ro mga naka-istar sa low-lying ag landslide prone area nga insigidang magbakwit kung maeain ro tyempo agud malikawan ro mabahoe nga kahalitan ag grabeng hitabo.
