KALIBO, Aklan—Ginapa-imbestigahan eon ni Pangueong Rodrigo Duterte sa Department of Environment and Natural Resources (DENR) ro mga ginasugid nga illegal mining activities nga nagtuga it landslide sa tunga it pagpanaeasa it bagyong Ulysses.
Suno kay Environment Sec. Roy Cimatu, 10 indibidwal halin sa sangka illegal mining site ro namatay sa kasagsagan it pagpanaeasa it bagyong Ulysses bangud sa landslide.
Owa man ginpangaeanan it sekretaryo ro ginasugid nga mining site, apang nagpasaka eon sigon sanda it kaso kontra kara.
Nagpagguwa eon man ro ahensya it cease and desist order para maisarado ag magpundo ro operasyon kara.
Matueopangdan nga ginsuspende ni Cimatu ro operasyon it quarrying sites sa Guinobatan, Albay bangud sa naging epekto kara kat nagpanaeasa ro Super Typhoon Rolly.
